الشعر العراقي
يُعتبر الشعر العراقي من أجمل أنواع الشعر الذي يتضمن مشاعر وأحاسيس عميقة. إنه الوسيلة التي يعبّر من خلالها الشعراء عن مشاعرهم الداخلية. وفي هذا المقال، نقدم لكم مجموعة من الأشعار العراقية الحزينة.
أصبر الروح
أصبر الروح ويش إنت بيه الروح.
وإذا تطلع أظل بس جسد خالي.
لكيتك من جنت ما لاكي كل الناس.
أنت أول محبّ وأنت صرت تالي.
يلكلك محبّة وأنت أحن مخلوق.
معقولة الحمامة تصير كتالي؟
صح ماكو بجمالك، أني أدري بهاي.
وروجه رقّتك ما كظها أي جالي.
حرام عليك تزعل وأنت الصوج.
أجيك أنا أعتذر وبلا ذنب خالي.
تزعل ليش؟
غالي وكلشي عندي وما أهدك دوم غالي.
وهسّة حبّك جيف صرت غالي.
أحسّك تختلف عن كل الناس،
بعيوني أشوفك عالنجم عالي.
وأشوف دمعتك ما جنها تنزل ماي.
ذهب تنزل دمعتك تجدح أتلالي.
إلك بستان عمري بكل ثمن مزروع.
راضي بكلشي منك كلشي يحلالي.
أجيك ومن أرد فارغ أرد للغير،
وعنب بس على مودك تارك أسلالي.
يمّك أنسى روحي ومن أكون ويّاك.
وعلى فنجان شفتك تركع إدلالي.
الواشي بلا بخت مرني وزعلك.
أموت أنا ولا يوم أجرحنك وزعلك.
حلو كلك على بعضك وزعلك.
بحلاتك فدوة بس ارضى عليّا.
قصيدة حداد حزينة
أريد أن أعلن حداداً، وللعشق ما عوّد، وأريد أنساك وأنسى البينك وبيني.
وشك دفتر غرامك، خاطر إنه أنساك، ودير الوجه عنك من تلاكيني.
ما أريدك بعد، لو أنت روحي تصير، وما أريدك لو من موت تحييني.
ملح بعيوني، أحطّن وانسى حتى النوم، أخاف بالمنام طيوفك تجييني.
إذا شافتك عيني، وفرحت بملكك، والله أتبرّى منه، وهاي مو عيني.
وإذا صافحك جفي، بحجة الخملان، أكص اثنين أديه يساري ويميني.
وإذا كالولي حبك يسري بالشريان، ثق بالله أكطع كل شراييني.
وإذا صاير شمس، إنه أبقى دوم بليل، وما ريد الضوة، وبالظلمه خليني.
تذكر من لكيتك والعطش وإليك، وكلتلي، أمعود أترجاك روييني.
عصرت جفون عيني وشليت دموع، وشربتك بيدي، وإنت تدريني.
ومن مرني العطش صرت إنت جربة ماي، كصدتك، معتني ومديت جفيني.
وإنت بكل وكاحة وكل صلافة، عين درت بجفوفي، سم وردت تنهيني.
تذب نفطك عليه، وإني بيه النار، وتتحمه أعلى ناري وما تطفيني.
وصرت محبس بديك، وكمت بيه تسوم، ساعة تبيع بيه وساعة تشريني.
أظل خصمك وفضحك، حتى من تموت، على كبرك أخطن بإديك سنيني.
قصيدة وينك؟
وينك؟
عفت هذا العمر بعدك.
عفت درب ما يجيلك.
عفت عالم ما تحكمه عيونك.
وينك؟؟
يا فرح يومي وأمسي.
يا دفى نبضي وهمسي.
كل دقّه في خفوقي.
كل لحظة فيها شوقي.
تحترق بلهفة عيوني، وينك؟!!
أنا تعلّمت الهوى تحت يمناك.
درست معنى العشق حسب اختياري.
مبغاك تعشقني، ولكنّي.
أبغاك لا ضاقت الدنيا، تصير داري.
وأبيك لامني، تزاعلت وياك، ترضي غروري.
قبل أجيب اعتذاري.
وأبيك تدري لو أحاول بفرقاك،
إني بحاول قبلها بانتحاري..!
لو بغيت أصد عنك ما قويت.
وإن بغيت أفارقك، قلبي خفق.
من يقول إني على هجرك نويت.
قلّه: إن قلبي بحبك محترق.
وقلّه إنّي في محبتك.
اعتليت رافع الهامة على حد الشفق.
وقلّه إنّي في بحر حبّك رسيت.
فوق مجداف الهوى، قلبي غرق.
مو ميت عدل
مو ميت عدل وإكبالي، أشوفك دوم وأتأمل، رحيم الغيبتك رجعة.
ما صدّك غفل يا بويا عنّي، تروح مستعجل تريد فراكنا بسرعة.
كدّامي القلم كل ساعة، أشمّن بيه بلكي، على قلم نيشان من صعبة.
وشكد ذكريات مخلي عالورق، وحجايات حلوة أبالي متجمعة.
نقرأ بدفترك حد ما تطيح عيون، وألبوم الصور نشتاق ونطلعه.
عيني عالدّرب من ربعك، إيردون أكولن بلكي أشوفن جاي وي ربعه.
ويطول انتظاري أو وكفتي على باب عين، أتاني تبقى وعين بالدّمعة.
شريد أنسى يمّا، منيلّي، النّسيان هو الجرف، ينسى الماي ويودعه.
أحس متغير
أحس متغير أني ومالي خلك الناس.
وأحس تعبان، كَلبي من الوكت مقهور.
مثل غيمة حزن تمطر علي كبريت.
وإنه بنار عايش، والدموع تفور.
كل يوم الأمس مثل الفلم ينعاد،
وباجر والأمس والجاي نفس الطور.
ناعور الوكت يسكيني جان أشعار،
وأفتر الوكت وإنه الصرت ناعور.
جنت أضحك وأسولف ويا هذا وذاك،
على غفلة ولكيت الناس كلها جور.
طرت بجناح واحد للفرح فد يوم،
شو حتى الفرح ردني بجنح مكسور.
ضيعت البخت وإنه الجنت محظوظ،
حتى ويا العشك ما عشت لحظة بنور.
يا كَلبي، شكثر عذبتك إنت ويـاي.
أحس كَلبي على كَلبي من الحزن مفطور.
قصيدة شلون أصبر
غيابك حبيبي، شلون أصبر الروح؟
يا حال الي يظل على حالي من تروح.
جرحك بالكلب داويته بس ما طاب،
وبطاري السفر زيدت قلبي جروح.
ما أنساك لو سافرت عشر سنين،
وشوكت ما ترد، باب القلب مفتوح.
يمّك إنت، وأحس بيك بعيد،
وأبد ما فكرت يجي يوم مني تروح.
صحيح إني كتلك، سوي كلشي تريد،
بس على البعد، كلتلك هذا ما مسموح.
النفس إنت الأشمه، ولو تروح شلون؟
شلون تريد أعيش إني بلياك؟
وإني أشتاقلك، من إنت موجود.
من تبتع أظل للصبح ما أنام.
وإذا ما تصدك نجوم السما شهود.
أموت أني بغيابك لم تروح.
لن حبك بكلبي ماله حدود.
يوم الي تسافر، احجز لشخصَين،
لأن ميم بالمية وياك قلبي يروح.
وشما تبتعد، خليه دوم وياك،
أحس ما يظل بروحي بس مذبوح.
شي يبقالي بحياتي وإنت ما موجود،
بس هم وأذيه وألم وجروح.
رسمك كمت أشوفه من أغمض العيون،
ولو يعمن عيوني ما أظنه يروح.
ما أريد أحضنك لو صار الوداع،
لأن من أهدك، تطلع الروح.
عشقتك وأدري أتعب بحبك،
رضيت بقسمتي وملهوفة تدريني.
أريد أكضي العمر وياك.
تدري إنت بغيابك حيل تأذيني.
عيني الما تشوفك تنعمي وللدوم،
لأن إنت حبيبي فرحة سنيني.
تعال وخل أضمك حيليهواي.
